Ռոնալդու: Մենք պետք է վայելենք մեր հաղթանակը և շարժվենք առաջ

Ռեալ Մադրիդի հարձակվող Կրիշտիանո Ռոնալդուն գոհ է իր թիմի ցուցադրած խաղից Իսպանիայի սուպերգավաթի խաղարկության շրջանակներում, որտեղ Արքայական ակումբը հաղթանակ տարավ և դարձավ Իսպանիայի սուպերգավաթակիր:

- Այս տիտղոսը մեզ վստահություն կներշնչի: Այժմ մենք պետք է վայելենք մեր հաղթանակը, սակայն լավ հասկանում ենք, որ պետք է նաև շարժվել առաջ: Ինչ վերաբերվում է մեր ցուցադրած խաղին, ապա պետք է ասեմ, որ թիմը հաջող մեկնարկ ունեցավ, սակայն հանդիպման վերջում որոշակի հոգնածություն նկատվեց, - հայտարարել է Ռոնալդուն:

Ռեալը` Իսպանիայի Սուպերգավաթակիր (Տեսանյութ)

Ռեալ Մադրիդը Իսպանիայի սուպերգավաթի խաղարկության շրջանակներում հաղթեց Բարսելոնին և դարձավ Իսպանիայի Սուպերգավաթակիր: Հիշեցնենք, որ պատասխան հանդիպումը ավարտվեց 2-1 հօգուտ արքայական ակումբի:

Ռեալ Մադրիդը շատ արագ, առաջին խաղակեսում երկու գոլի հեղինակ դարձավ. աչքի ընկան Գոնսալո Հիգուաինը և Կրիշտիանո Ռոնալդուն: Հանդիպման 27-րդ րոպեին Բարսելոնի վիճակը էլ ավելի կրիտիկական դարձավ, երբ խաղադաշտից հեռացվեց Ադրիանոն:

Այնուամենայնիվ, հյուրերը կարողացան երկրորդ խաղակեսի վերջում կրճատել հաշվի տարբերությունը: Գոլի հեղինակ դարձավ Լիոնել Մեսսին:

Ռեալ Մադրիդի և Բարսելոնի հայտացուցակները

Սիրելի ընթերցողներ, Ձեր ուշադրությանն ենք ներկայացնում Ռեալ Մադրիդի և Բարսելոնի հայտացուցակները Իսպանիայի Սուպերգավաթի խաղարկության համար պատասխան հանդիպման համար:

Ռեալ Մադրիդ: Կասիլիաս, Պեպե, Ռամոս, Արբելոա, Մարսելո, Հեդիրա, Ալոնսո, Դի Մարիա, Օզիլ, Ռոնալդու, Հիգուաին:

Բարսելոն: Վալդես, Ալվես, Պիկե, Մասկերանո, Ադրիանո, Բուսկետս, Չավի, Ինիեստա, Ալեքսիս, Մեսսի, Պեդրո:

Հանդիպումը տեղի է ունենալու այսօր, Սանտիագո Բերնաբեու մարզադաշտում, Երևանի ժամանակով 00:30-ին:

Ռեալ Մադրիդ 1 -1 Վալենսիա (Տեսանյութ)

Երեկ տեղի ունեցան Իսպանիայի առաջնության առաջին տուրի հերթական հանդիպումները: Ռեալ Մադրիդը հյուրընկալել էր Վալենսիային: Առաջինը հանդիպման հաշիվը բացեցին տան տերերը. աչքի ընկավ Գոնսալո Հիգուայինը: Սակայն հանդիպման 41-րդ րոպեին հյուրերը հավասարեցրեցին հաշիվը. գոլի հեղինակ դարձավ Ջոնաս Գոնսալեսը:

Այսպիսով, Ռեալ Մադրիդի համար մեկնարկային հանդիպումը անհաջող ստացվեց. արքայական ակումբը կորցրեց կարևոր միավորներ, այն ժամանակ, երբ Բարսելոնը 5-1 հաշվով հաղթանակ տարավ Ռեալ Սոսիեդատի նկատմամբ:

Մոուրինիոն ելույթ կունենա ԱՄՆ-ում

Ռեալ Մադրիդի գլխավոր մարզիչ Ժոզե Մոուրինիոն ԱՄՆ-ում հանդես կգա ելույթով, որտեղ մասնակցելու են շուրջ 200 ամերիկացի մասնագետներ:

Հիշեցնենք, որ արքայական ակումբը այժմ գտնվում է ԱՄՆ-ում, որտեղ անց է կացնում իր մարզահավաքը նոր մրցաշրջանից առաջ:

Ժոզե Մոուրինիոն հարցին, թե ինչպես է նրան հաջողվել այսքան տիտղոսներ նվաճել, նա պատասխանել է. - "Մեր հաջողությունների գաղտնիքը չափազանց դժվար հարց է: Ինձ հաճախ են հարցնում այս մասին: Ես կարող եմ նշել խաղային որակների, համախմբման, աշխատանքի մեթոդների հանգամանքները", - հայտարարել է պորտուգալացի մասնագետը:

Պիշչեկը հնարավոր է տեղափոխվի Ռեալ Մադրիդ

Ինչպես հայտնում են գերմանական լրատվամիջոցները, Դորտմունդի Բորուսիայի պաշտպան Լուկաշ Պիշչեկը հնարավոր է տեղափոխվի Ռեալ Մադրիդ:

Հաղորդվում է, որ արքայական ակումբի նախագահ Ֆլորենտինո Պերեսը հետաքրքրված է Պիշչեկի ծառայություններով և այս տրանսֆերի միջոցով ցանկանում է հզորացնել պաշտպանության աջ թևը:

Հիշեցնենք, որ այս մրցաշրջանի ընթացքում Պիշչեկը 44 հանդիպում է անցկացրել Գերմանիայի չեմպիոնի կազմում և խփել 4 գոլ: