Հատուկ մարզաշապիկներ Adidas-ից` Ռեալի չեմպիոնության կապակցությամբ
Հանրահայտ Adidas ընկերությունը Ռեալ Մադրիդի չեմպիոն դառնալու կապակցությամբ նոր, հատուկ մարզաշապիկ է թողարկել:
Ինչպես հաղորդում է Marca պարբերականը, մարզաշապիկներն արդեն վաճառքի են հանվել Սանտիագո Բերնաբեու մարզադաշտի արքայական ակումբի խանութում:
Մարզաշապիկի վրա պատկերված է չեմպիոնական գավաթը, որի մեջ գրված է 32, այսինքն` Ռեալ Մադրիդի 32-րդ չեմպիոնությունը Լա Լիգայում: Գավաթի երկու կողմում պատկերված են այն տարեթվերը, երբ Ռեալը հաղթել է Իսպանիայի առաջնության տիտղոսը:
Կակա - Մենք միասնական թիմ ենք
Ռեալ Մադրիդի բրազիլացի կիսապաշտպան Կական մեկնաբանել է արքայական ակումբի չեմպիոնության փաստը:
<<Սա ուղղակի երջանկություն է: Չեմպիոնությունը մեզ տրվեց շատ դժվար շաբաթվա ընթացքում, երբ մենք դուրս մնացինք Չեմպիոնների Լիգայի հետագա մրցապայքարից: Կարծում եմ, որ մենք հաղթեցինք առաջնությունը այն պարզ տրամաբանությամբ, որ մենք միասնական և ամբողջական թիմ ենք>>, - հայտարարել է Կական:
Subscribe to:
Posts (Atom)
Widget by:RealMadridTimes